SCIALPINISTICA S.Martino di Castrozza del 13/02/2008

En tei ultimi quattro dì som stà pù en Val de Fassa che a Trembelem.... po' al gieri, quando n'è vegnù for la conferma de iscriziom al Sellaronda.... no podevo propri resister: me som comprà i sci da gara!!! D'altronde stasera, ultima gara a quattro prima del Sellaronda som massa curios de veder come vago en assetto Mirko.... Mezzanotte! Me trovo col Teo al Zuffal alle 4 e1/4 (el g'ha tornar de balla subit dopo la gara, quindi noi nem su prima, Max Caio e Marcello i ne raggiunge su, quindi mi tornerò zo con lori) e subit el se stupiss no poc a veder el me nuovo acquisto.... ma dopo dese chilometri de autobahn som mi a restar senza parole: diaolopo'! El me passa en pac con su scritt "X Kepo: Gh'è da nar..." e gh'è rento.... na tutina!!!! A mi che ero contro! Però el g'ha propri resòm a dir che i è sol i aséni che no cambia idea! massa!massa!! A parte el fatto che l m'ha lassà senza parole per la sorpresa... adess... ensomma... stasera... no g'ho propri scuse... me toca propri nar e tirarghe rento! Arrivai a S.Martin per le 6 e 1/4 subit me metto en divisa, cavo le lengue ai scarponi, monto le pel e.... nem al bar a beverne en the e a raccattar el pettorale e... el gadget: ah però... en ben binocol! El Teo el parte alle 7 in punto (mi alle 8 e 1/4, e anca i altri più o men entorno alle 8) quindi el va de balla a scaldarse e via! Entant allor sposto le me robe en la Jeep del Caio che entant è arrivà e torném al bar a bever n'altro the. Per le 7 e 40, som quasi lì che taco a scaldarme che l Teo l'è zà de volta... el par soddisfatto (l'è sui 29! e l'è stà passà sol da 2! Buono! ...e pensar che en ti ultimi 2 dì el s'è sbarà pù de 22 Km de corsa, allenamenti de hockey, dormir miga... diaolocan se l va!) e l se envia al volo vers cà. El Caio entant el me ricorda che l'an passà elo el gh'eva mess sui 32... mi sui 34... dai, dai! che st'am gh'è da nar! Quando manca 25 minuti alla partenza me trago en piazzetta davanti al START e scominzio a saltellar, saltellar, saltellar... entant parte tutti e mi.... col numer 441 (su 450) parto alle 20:13.... go! Via de bala! E entant che parto l'è propri na bella soddisfaziom sentir el cronista dirme: "Ecco che adess parte Mirko G. col numer 441 della Bela Ladinia.... besogn tegnirli 'sti fassani che i corre massa!!". Traverso for el paess tutt den fià: che figada! I sci no par neanca de averghei sotto i pei da tant che i è lizéri! Via! Via! Via! passà for el paess, gh'è la prima pontèra, po' la spiana, po' la se mpenna de nof... e seto a passar zent.... che bem! Dopo 10 minuti me raggiunge el 444.... e el me soprpassa.... provo a tacarme drio en pezòt ma el va propri pù de mi... molo... ma no el ritmo! e infatti no me n'ha passà altri! anzi, mi su per la pista fao strage.... i punto un drio l'altro, e vago a torli um per um! Dopo na bella pontéra endo che st'an (a differenza dell'an passà) per fortuna no me slipega le pel, en togo altri 2.... quindi con en bel travers vers sinistra ghe n'è altri 5 da passar sull'ultim ponterom illuminà.... ormai la cabinovia l'è qi! No gh'è pù tant e allor co na bella tirada en pian vers destra arrivo alla curva erta finale a sinistra endo che sero la prestaziom sorpassando l'ultim e.... alè!!! Gh'è som! E credo propri de aver fat bem! Me bevo en par de bicieri de the e sto lì 5 minuti a zercar i altri, ma non trovandoi, me envio co la cabinovia (no se pol tornar en val coi sci) vers val. Finisso en cabinovia con n'alpinista trevisàn, e lamentandose de come i turisti zitadini i maltratta la montagna, con mi el trova pan per i so denti... ma sa vot metter su... el fil spinà a Borghèt, per tegnirli zo a magnar nebbia? Vabbè, tornà alla macchina gh'è lì el Max,el Caio e l Marcello (ancoi alla so prima assoluta coi sci... pensar che mercoer passà l'è vegnù su co le ciaspole!) che me speta tuti contenti della propria prestaziom alla Jeep. Cavà zo la tutina e messa la giacca de squadra, ne trém al palazzetto de S.Martin per la zena. Tra pasta, pan e strudel no ne manca nient.... almen a mi che da disnar evo tacà trà canederli, pasta e ciope de pam! El Marcello enveze che l'era nà de insalata (....e me sa anca el Max e l Caio... anca se no i lo diss.. anzi... vot veder che per star lizeri no i l'avrà neanca conzada?!??!?!?) el g'ha ancor fam e l tol en par de HotDog e taglieri per la taola.... mi enveze me preoccupo della birra! Se senta al taol anca 3 putèle (ma la Barbara no gh'ela stasera?) e.... una l'è addirittura la Michela Rizzi! Quela che ha vint el Sellaronda! Eh,eh! Ormai sem dell'ambiente! Magna e bevi e passém na bona ora a discuter de pel e sci da gara anca coi istruttori de scialp de Roveredo, quindi vem for le classifiche e..... Kepo!!! Grande!!! 29:46!!!! Quasi 5 minuti en men dell'an passà! E così arrivo 123°. El Teo 110° con 29:06, el Max enveze addirittura el fa 28:06!!! L'è così el momento della somma dei tempi en le 4 gare e... el Max, col recupero de ancoi l'è riusì a ciavar el Teo de 11 secondi sul totale e conquistar la vittoria! Entant che i fa le premiaziom ovviamente no ne fem mancar en par de boni limoncini e quando l'è le 11, l'è prest ora de smobilitar. Propri bella gara, propri bella soddisfaziom, e adess el pensier el va zà al Sellaronda!!!





Kepo!!! Ma dai!!! Set ti???!?!!! Diaolopo'.... te pari propri dell'ambiente!!!
El Teo nol pol permetterse de perder en secondo se el vol starghe davanti anca sto colp.... via de bala!!!!
Bella gara, bella soddisfaziom...e allor.... PROSIT!
...e l Caio nol perde mai l'occasiom per far nove conoscenze.... ancoi sem addirittura al taol co la Michela Rizzi!


Ste pagine l'e' stae cargade volte da visitatori dal 3 de agost 2005